部，我心諗如果警方真系要告我就會搵人上門拉人啦，應該吾會call我上總部，所以我個心都定左ｄ，不過就真系吾知發生羊事。

去到總部，仍然系見到一臉木訥嘅高層﹕

高層：警方對你嘅調查已經結束，冇證據証明你同事件有關，你下星期可以返情報科復職。Ryan：到底發生羊事呀？昨日果單販毒集團嘅新聞關吾關我事嫁？

高層：其實我都要同你講番發生羊事，因為遲ｄ你有可能需要出庭作証。就響你停職前幾日，我的收一封匿名信，里面將整個販毒集團嘅來龍去脈，涉及嘅人、製毒工場同洗黑錢嘅戶口資料全部有齊，我的立即跟住查落去發現全部都系堅料，所以就成立左一個特別小組，就響前幾日終於得到律政署嘅同意，再攞埋法庭拘捕令同搜令採取行動去拉人封舖。

Ryan：咁點解要停我職呀？我只系做臥底...我

高層：你放心，有份嘅系你阿頭Peter，你幫佢做臥底，嫌疑都好大，加上我的收到匿名信后Peter就失左蹤，根本問吾到佢關於你嘅野，所以要你停職接受調查，亦都搵人跟蹤你睇嚇Peter有冇同你聯絡。

（我有ｄ諗吾明，卓晧明明同我講過Peter冇份，點解而家又話佢有份呢？重要失埋蹤添...）Ryan：咁查吾查到系羊人放料架？

高層：查吾到，封匿名信系用電郵send過離，科技組果邊查過系由一個外國server寄出，冇線索可以查到。但其實佢ｄ料咁堅，佢應該系集團嘅高層成員，當中涉及咁龐大嘅利益，所以我的對佢嘅動機都好懷疑。其實今次我約你上離都想問嚇你，你做臥底期間有冇留意過呢個會系羊人。當然，就算冇佢出庭做證，ｄ料都已經足夠入到果班人嘅罪，但如果可以聯絡到佢，咁就更加好。Ryan：你要比ｄ時間我細心唸嚇先，我唸到會通知你！！

高層：響我的啦嘅果班人當中，其中一個系我的警方嘅心理醫生，根據紀錄你應該見過佢一兩次，佢同我的落口供果時好合作，所有佢做嘅野都全部認曬，重愿意出庭指証果班人，你對佢有冇印象呀？

一下子我都吾知點答佢好，我驚講得太多會影響Johnny...

Ryan：...我都系要細心諗嚇先...

高層：好啦，咁一陣間你去特別小組度落返份口供！！重有冇其他問題呀？

Ryan：No，Sir.ThankYouSir.

同特別小組落完份口供，我當然冇講有關Johnny同卓晧嘅野比佢的知，佢的都好口密，都吾愿意講太多案情嘅野。離開總部，心里面就有幾個疑團：

阿頭Peter點解無端端會失蹤，同呢單案有羊關系？第144頁

佢的有冇搵阿Ken去落口供呢？阿Ken又知吾知我做臥底嘅身份呢？

寄匿名信嘅系吾系卓晧？還是佢都比人拉左呢？佢而家又去左邊呢？

未至！如果告密嘅系卓晧，咁佢而家嘅處境應該好危險，果班人雖然拉左，但我相信以佢的嘅勢力一定會搵人對付告密嘅人。重有佢細佬阿Don...我好小心咁去到阿Don做野果間社區中心睇嚇阿Don，發現佢吾系度，問職員先知道佢前幾個禮拜已經辭左職，我以警員嘅身份問佢的攞左阿Don嘅地址，不過上到佢都發現系假嘅！！換句話即我已經完全失去左卓晧嘅消息...又過左幾日，拉左果班人第一次上庭，表面證據成立，全部都吾準保釋，我即刻翻查法庭記錄，拉左嘅人當中包括有幾個系警隊、消防同入境處嘅高層、我識嘅包括黃Sir、阿Ray、安仔、阿Jeff同Johnny，阿頭Peter就冇出現，吾通佢失左蹤重未搵返？但就冇見卓晧，好明顯告密嘅系卓晧...咁佢而家究竟響邊呢，真系令我好擔心？

第145頁

以牙還牙又過左一個禮拜，調返情報科后，生活同工作基本上已經回復正常，高層提醒過我件case好敏感，所以吾好對任何人講及案情，單野真系收得好密，我想知多ｄ都吾得，連阿頭Peter究竟搵返未都冇人知，卓晧同佢細佬就更加冇曬消息，好似人間蒸發左咁，而阿Ken呢，佢冇搵我，我都吾敢搵佢，我好驚佢問起我做臥底嘅野都吾知點答佢好...不過最令我擔心嘅都系卓晧同佢細佬...不過今日收工返屋企就有一個意外嘅驚喜，因為我響信箱內收到一封無貼郵票嘅信，我下意識就覺得應該系卓晧比我嘅，咁証明佢而家應該系安全，我不禁放下心頭大石。信封內只有一隻USB手指，打開里面有三個檔案：兩個Word文件同一個Video檔案。兩個Word文件果然系卓晧寫比我嘅信，第一封信卓晧寫：

Ryan你好，我系卓晧，冇見你都有一段長時間，但系為左你同我的嘅安全，我只好等到而家先聯絡你同你報平安，累你擔心左咁耐，其間你重要比佢的停職真系吾好意思。不過當你見到呢封信嘅時候，我應該已經同我細佬去左一個好遙遠又安全嘅地方，你吾駛替我的擔心。我相信你都應該有留意單案嘅發展，雖然果班人未定罪，但相信我比警方嘅證據都應該入到佢的罪，佢的都算系受到應得嘅制裁，呢件事都可以算系告一段落。不過我相信你心里面都重有好多疑團未解開，吾系得你幫手，我嘅計劃吾會進行得咁順利，我覺得我都應該向你交待成件事嘅來龍去脈。

集團嘅資料我一早已經準備好，但我吾想一早交比警方，咁Peter就會享漁人之利走去領功勞，佢一定要為佢所做嘅一切付出代價。多得你嘅幫忙攞到佢智能手機嘅資料，令我可以得到佢好多個人資料，當中包括證券同銀行戶口資料。佢離開香港去英國出席警務人員交流會議果幾日就系我行動嘅時機。我趁佢吾響香港冇開手機嘅日子復製左佢部手機，用佢嘅證券戶口買入左好多手孖展，最后同佢一鋪清袋，製造佢收賄嘅動機。之后我將一大筆黑錢用左好多不同途徑滙入滙出佢嘅戶口，製造洗黑錢嘅紀錄，最后再滙入左一大筆錢入佢另一個國外戶口，製造佢收賄嘅證據，再加埋我將大量集團同佢嘅偽造短訊下載落佢部電話度，佢就更加水洗都吾清。所有證券及銀行交易所發出嘅確認短訊同電話都比我部復製手機通通攔截，由於佢吾響香港，所以都要等到佢返到香港后先至發現，但系到時我都已經將所有證據，包括佢「收賄」嘅資料交到警方，佢都系會一身蟻，有排解釋。為左要令警方對佢更加懷疑，我就響佢返香港果日令佢失蹤，警方更加覺得佢系畏罪潛逃。呢個只系我復仇大計嘅第一部份。所有我為佢